23. april 2002

UPA2002/19

 

Inissialiortiternermut tapersiissuteqartarneq pillugu Inatsisartut peqqussutaata

allanngortinneqarneranik Inatsisartut peqqussutissaattut nr. xx, xx. xx

2002-meersussatut siunnersuut pillugu

Inatsisartut Attaveqarnermut Pilersuinermullu aamma Ineqarnermut

Ataatsimiititaliaata

ISUMALIUTISSIISSUTAA

Aappassaaneerinissamut saqqummiunneqartoq

 

Inatsisartut Attaveqarnermut Pilersuinermullu aamma Ineqarnermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Godmand Rasmussen, Atassut , siulittaasoq
Inatsisartuni ilaasortaq Tommy Marø, Siumut, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Ole Lynge, Inuit Ataqatigiit
Inatsisartuni ilaasortaq Mogens Kleist, Kattusseqatigiit

 

UPA2002-mi siullermeerinerup kingorna Inatsisartut Attaveqarnemut Pilersuinermullu aamma Ineqarnermut Ataatsimiititaliaata siunnersuut nassuiaatitai ilanngullugit misissuataarpaa.

Kommunit inissiaatiminnik attartortittakkanik, Namminersornerullutik Oqartussat sanaartornermut tapiissuteqarnerisigut sananeqarsimasunik, tunisinermi akigititaasup ilaanik naapertuuttumik

angissusilimmik Landskarsimut akiliuteqaqqaanngikkaluarlutik, tunisisinnaalernissaannik siunnersuummi saqqummiunneqartumi siunertarineqartut ataatsimiititaliap isumaqatigiittup taperserpai.

Ataatsimiititaliap iluarisimaarlugu maluginiarpaa peqqussutissatut siunnersuutikkut qulakkeerneqartoq kommunini pineqartuni tunisinermi iluanaarutit siunertanut ineqarnemut tunngasunut allanut atorneqarnissaat.

Ataatsimiititaliattaaq iluarisimaarpaa inissianik attartortut tassaassammata tigunnikkumallutik kissaateqartussat. Taamaaliornikkut kommunimi aningaasarliorneq pitsanngortikkumallugu kommunit inissiaatiminnik attartortittakkanik tunisisannginnissaat aammalu tunisinermi iluanaarummik atuisannginnissaat qulakkeerneqarpoq.

Ataatsimiititaliap isumaqatigiittup siunnersuutip akuersissutigineqarnissaa inassutigaa.

Taama oqaaseqarluni Inatsisartut Attaveqarnermut Pilersuinermullu aamma1 Ineqarnemut Ataatsimiititaliaata siunnersuut aappasaaniigassanngortippaa.

 

	Godmand Rasmusssen, Atassut, siulittaasoq
Tommy Marø Siumut siulittaasup tullia		Per Rosing-Petersen. Siumut
Ole Lynge, Inuit Ataqatigiit		Mogens Kleist, Kattusseqatigiit